ਚੱਲ ਵੀ ਬੁੱਲ੍ਹੇਆ ਓਥੇ ਚੱਲੀਏ
ਜਿਥੇ ਲੂਣ ਤੇ ਰੋਟੀ
ਬੰਦਿਆਂ ਵਿੱਚ ਕੁਝ ਜੂਨ ਹੰਢਾਈਏ
ਛੱਡ ਪੱਥਰਾਂ ਦੀ ਕੋਠੀ

ਨਾ ਕੋਈ ਗਿਲਾ ਨਾ ਕੋਈ ਸ਼ਿਕਵਾ
ਓਹਨਾ ਇਹੀਓ ਦਾਣਾ ਬਾਣਾਂ
ਜੰਮਦਿਆਂ ਨੂੰ ਵੀ ਇਹੀਓ ਮਿਲਿਆ
ਤੇ ਇਹੀਓ ਮਿਲਦਾ ਜਾਣਾ

ਚੱਲ ਵੀ ਬੁੱਲ੍ਹੇਆ ਕੱਢਣ ਚਲੀਏ
ਮੱਲ ਵਿੱਚ ਮੋਏ ਮੋਤੀ
ਗਲ ਵਿੱਚ ਸੋਨਾ ਚਾਂਦੀ ਪਾ ਜਿਥੇ
ਦੇਖਣ ਨੂੰ ਮਜਮ ਖਲੋਤੀ

ਨਹਿਰ ਚੁਬੀਆਂ ਕਦੇ ਲਾਈਆਂ ਸੀ
ਹੁਣ ਮੱਲ ਵਿਚ ਚੁਬੀਆਂ ਲਾਉਂਦੇ
ਸਾਹ ਬੰਦ ਕਰ ਉਹ ਨਰਕਾਂ ਵਿਚ
ਜੀਆਂ ਲਈ ਰੋਟੀ-ਲੂਣ ਕਮਾਉਂਦੇ

ਚੱਲ ਵੀ ਬੁੱਲ੍ਹੇਆ ਛੱਡ ਕਿਤਾਬਾਂ
ਤੂੰ ਪੜ੍ਹ ਪੜ੍ਹ ਕੀ ਕਰ ਲੈਣਾ
ਮੱਥੇ ਤੇ ਤੇਰੀ ਜ਼ਾਤ ਏ ਉੱਕਰੀ
ਸਹਿਣਾ ਤੇ ਜ਼ੁਲਮ ਹੀ ਪੈਣਾ

ਰੋਈਏ ਜਾਕੇ ਉਸ ਘਰ ਜਿਸ ਘਰ
ਕੋਈ ਮੁਜਰਮ ਹੈ ਮੋਇਆ
ਜੋ ਗਿਆ ਵਿੱਚ ਯਾਰ ਦੀ ਸ਼ਾਦੀ
ਬਸ ਜਾ ਸਬਨਾਂ ਸੀ ਖਲੋਇਆ

ਚੱਲ ਵੀ ਬੁੱਲ੍ਹੇਆ ਚੱਕ ਲੈ ਕਾਗਜ਼
ਕੁਝ ਲਿਖੀਏ ਲਫ਼ਜ਼ ਅਜਿਹੇ
ਘਰੋਂ ਨਿੱਕਲ ਇੱਕ ਭੀੜ ਸਜਾਈਏ
ਇਹਨਾਂ ਨਾ ਸੁਣਨਾ ਨਾਲ ਸੁਨੇਹੇ

ਚੱਲ ਚੁੱਕੀਏ ਉਹ ਚਾਦਰ ਬੁੱਲ੍ਹੇਆ
ਜੋ ਸਬ ਚੁੱਕਣ ਤੋਂ ਡਰਦੇ
ਜਿਸ ਥੱਲੇ ਸੋਚ,ਖਿਆਲ,ਅੰਗ ਪਏ ਨੇ
'ਭਗਤ' ਅਤੇ 'ਕਰਮਚੰਦ' ਦੇ




ਕਿਸ ਕੋਲ ਬੁੱਲ੍ਹੇਆ ਸ਼ਿਕਵਾ ਕਰੀਏ
ਰੱਬ ਵੀ ਇਹਨਾਂ ਵਿੱਚ ਬਹਿੰਦਾ

ਆਪੇ ਹੀ ਲੜਨਾ ਪੈਣਾ


ਰੱਬ ਵੀ ਇਹਨਾਂ ਵਿਚ ਹੀ ਬਹਿੰਦਾ
ਓਹਵੀ ਖਾਂਦਾ ਠੇਕਾ
ਅੰਨ ਵੀ ਇਹੀ ਪਿਆਸ ਵੀ ਇਹੀ