ਜਜ਼ਬਾਤਾਂ ਦੀ ਗੱਲ ਵੱਖਰੀ ਏ
ਉਹਨਾਂ ਬਾਤਾਂ ਦੀ ਗੱਲ ਵੱਖਰੀ ਏ
ਜੋ ਸੁਫਨਿਆਂ ਵਿਚ ਕਰਾਂ ਨਾਲ ਤੇਰੇ
ਮੁਲਾਕਾਤਾਂ ਦੀ ਗੱਲ ਵੱਖਰੀ ਏ

ਉਸ ਝਾਕ ਦੀ ਗੱਲ ਵੱਖਰੀ ਏ
ਉਸ ਸਾਕ(eye contact) ਦੀ ਗੱਲ ਵੱਖਰੀ ਏ
ਜੋ ਚੋਰੀ ਚੋਰੀ ਅੱਖਾਂ ਨਾਲ ਘੱਲਦੀ ਤੂੰ
ਉਸ ਡਾਕ(message) ਦੀ ਗੱਲ ਵੱਖਰੀ ਏ

ਉਡੀਕ ਦੀ ਗੱਲ ਵੱਖਰੀ ਏ
ਸੁੰਨੀ ਚੀਖ ਦੀ ਗੱਲ ਵੱਖਰੀ ਏ
ਜੋ ਮੰਗਾ ਤੈਨੂੰ ਮੈਂ ਕੁਦਰਤ ਤੋਂ
ਉਸ ਭੀਖ ਦੀ ਗੱਲ ਵੱਖਰੀ ਏ

ਸੂਹੇ ਖਵਾਬ ਦੀ ਗੱਲ ਵੱਖਰੀ ਏ
ਸ਼ਰਾਬ ਦੀ ਗੱਲ ਵੱਖਰੀ ਏ
ਮੇਰੀ ਰਾਤ ਤੇਰੀ 'ਹਾਂ' ਯਾ 'ਨਾਂ' ਤੇ ਟਿਕੀ
ਉਸ ਜਵਾਬ ਦੀ ਗੱਲ ਵੱਖਰੀ ਏ

ਤੇਰੇ ਦੀਦਾਰ ਦੀ ਗੱਲ ਵੱਖਰੀ ਏ
ਉਸ ਖੁਮਾਰ(hangover) ਦੀ ਗੱਲ ਵੱਖਰੀ ਏ
ਮੈਂ ਜਦ ਵੀ 'ਫੱਬਤ' ਤੈਨੂੰ ਤੱਕਦਾ ਹਾਂ
ਹਰ ਵਾਰ ਦੀ ਗੱਲ ਵੱਖਰੀ ਏ

ਤੇਰੇ ਜਹੂਰ(presence) ਦੀ ਗੱਲ ਵੱਖਰੀ ਏ
ਤੇਥੋਂ ਦੂਰ ਦੀ ਗੱਲ ਵੱਖਰੀ ਏ
ਜੋ ਤੇਰੇ ਮੁੱਖ ਤੋਂ ਡਿੱਗੇ ਤੁਪਕਾ ਤੁਪਕਾ
ਉਸ ਨੂਰ ਦੀ ਗੱਲ ਵੱਖਰੀ ਏ