ਨੀਂਦ ਦੀ ਬੁੱਕਲ ਦੀ ਗ਼ਜ਼ਲ
ਤੇ ਹਨੇਰੇ ਵਿੱਚ ਛਣਕਦੀ ਸੁਕੂਨ ਦੀ ਪਾਯਲ
ਮਿੱਠੀ ਏ
ਰਾਤ ਦੇ ਚੰਨ ਦੀ ਮਹਿਕ
ਤੇ ਨਿੱਕੇ ਨਿੱਕੇ ਤਾਰਿਆਂ ਦੀ ਚਹਿਕ
ਮਿੱਠੀ ਏ
ਕਿਸੇ ਟੁੱਟਦੇ ਪੱਤੇ ਦੀ ਖੜਕ
ਆਸ਼ਿਕ਼ ਜੁਗਨੂੰ ਤੇ ਜੁਗਨੀ ਦੀ ਮੜਕ
ਮਿੱਠੀ ਏ
ਉੱਲੂ ਦੀ ਚੁਫੇਰੇ ਘੁੰਮਦੀ ਧੌਣ
ਤੇ ਆਪਣੀ ਲੋਰ ਵਿਚ ਵਗਦੀ ਪੌਣ
ਮਿੱਠੀ ਏ
ਹਰਫ਼ਾਂ ਚੋ ਡਿੱਗਦੀ ਮੱਖਣੀ
'ਬੱਧਣ' ਵੱਲ ਵੇਖਦੀ 'ਸੁੱਖਾਂ' ਦੀ ਤੱਕਣੀ
ਮਿੱਠੀ ਏ
ਰਾਤ ਦੇ ਖਿਆਲਾਂ ਦੀ ਸੀਰਤ
ਉਹਨਾ ਖਿਆਲਾਂ ਨਾਲ ਬਦਲੀ ਦਿੱਲ ਦੀ ਹਰਕਤ
ਮਿੱਠੀ ਏ
ਸੁਬਹ ਪੱਤਿਆਂ ਤੋਂ ਚੋਂਦੀ ਸ਼ਰਾਬ
'ਕੁਦਰਤ' ਨਾਮਕ ਲਿਖੀ ਬੱਧਣ ਦੀ ਕਿਤਾਬ
ਮਿੱਠੀ ਏ
ਇਸ ਝੱਲੇ ਕੋਲ ਆਈ ਇਸ਼ਕ ਦੀ ਸੌਗਾਤ
ਤੇ ਬਿਨਾ ਝਿਝਕ ਕਹੀ ਉਹ ਦਿੱਲ ਦੀ ਬਾਤ
ਮਿੱਠੀ ਏ