Tum aayi thi

Tum aayi thi mere khwaabo mein ik din
Ik kaagaz aur gulaab lekr
Tum aati thi kaali raaton mein har din
Akhiyon mein jadoo behisaab lekar
Ab kahi kho si gayi ho tum
In sooni raaton ke andhero mein
Main dhoondta hoon roz tumhe
In ajnabi se chehron mein


Tere pairo ki payal ki
chhan chhan ko tarasta hoon main
Tere phool se chehre pe
Har pal hi barasta hoon main
Chham chham aati baarish ki
Har boond mein hasti ho tum
Mujhe chhoone wali hawa ke
Har jhonke mein basti ho tum


Husn to bahut hai is duniya mein
Par na tere jaisa koi mila mujhe
Tum anjaan thi meri chahat se
Tum anjaan thi kitna chahta tha tujhe
Jab bhi batane ki koshish ki
Kuch na kuch bna pathar raah ka
Aaj bhi pachhta raha hoon main
Na ehsaas kara paya apni chah ka


Main raat raat bhar roya tha
Jab chali gayi tum shehar chhod
Kyo maine khwaabo ko piroya tha
Kyo aaya wo meri zindgi mein mod
Paagal tha main bewakoof tha
Jo chand taaro ki baaton mein aa gaya
Hawaao mein parinde ki tarah udta raha
Wahi toofan ban zami pe gira gaya