Darr

Kahi is dimaag pe ye ishq bhaari na ho jaye
Kahi mujhe bhi ye kambakht si bimari na ho jaye
Kisi ki aankho mein kahin main bhi na doob jaaoon
Kahi meri bhi is jag se bhidne ki tyaari na ho jaye

Kehte hain wo lamha kabhi bol ke nahi aata
Suna hai wo ehsaas aankhein khol k nahi aata
Na lad baithoon kisi se kisi k liye
Darta hoon koi jaan mujhe itni pyaari na ho jaye

Par kya kisi ka itna kareeb hona pyaara lagta hain
Khule aasmaan ka sabse haseen tara lagta hai
Kho na jaye wo tara in lakho taaro mein
Ye hasti khelti zindgi char diwari na ho jaye

Isi liye nahi chahta ye rog mujhe kabhi ho
Kisi k door jaane ka dard mujhe kabhi ho
Bhatakta rahoon gali gali main devdas ki tarah
Ye jaan amaanat kisi ki kahi aawari na ho jaye