ਤੂੰ ਫੋਨ ਘੜੀ ਘੜੀ ਕਰਦਾ ਏ
ਮੇਰੇ ਬਿਨਾ ਤੇਰਾ ਨਾ ਸਰਦਾ ਏ
ਬਸ ਚਾਰ ਦਿਨਾਂ ਦੀ ਗੱਲ ਏ ਵੇ
ਮੈਂ ਤੇਰੇ ਨਾਂ ਦਾ ਚੂੜਾ ਪਾਉਣਾ ਏ

ਤੂੰ ਫਿਕਰ ਨਾ ਕਰ ਇੱਕ ਦਿਨ ਤੈਨੂੰ
ਸੁਣਿਓ ਜੀ ਕਹਿ ਕੇ ਬੁਲਾਉਣਾ ਏ

ਮੈਂ ਰਾਤਾਂ ਨੂੰ ਮੋਈ ਰਹਿੰਦੀ ਆ
ਉਹਨਾਂ ਖਵਾਬਾਂ ਚ ਖੋਈ ਰਹਿੰਦੀ ਆ
ਲੈ ਸਿਰ ਚੁੰਨੀ ਤੇਰੀ ਪੱਗ ਰੰਗੀ
ਤੇਰੇ ਪੈਰਾਂ ਨੂੰ ਹੱਥ ਲਾਉਣਾ ਏ

ਤੂੰ ਫਿਕਰ ਨਾ ਕਰ ਇੱਕ ਦਿਨ ਤੈਨੂੰ
ਸੁਣਿਓ ਜੀ ਕਹਿ ਕੇ ਬੁਲਾਉਣਾ ਏ

ਭਾਂਵੇ ਦੱਸ ਦੇ ਤੂੰ ਮੰਮੀ ਡੈਡੀ ਨੂੰ
ਕਰਦੈ ਪਸੰਦ ਇੱਕ ਭੈੜੀ ਨੂੰ
ਲੈਕੇ ਪਟਿਆਲੇ ਚਾਰ ਲਾਵਾਂ
ਕਰ ਵਿਆਹ ਸੰਗਰੂਰ ਪੈਰ ਪਾਉਣਾ ਏ

ਤੂੰ ਫਿਕਰ ਨਾ ਕਰ ਇੱਕ ਦਿਨ ਤੈਨੂੰ
ਸੁਣਿਓ ਜੀ ਕਹਿ ਕੇ ਬੁਲਾਉਣਾ ਏ

ਮੁੜ ਮੁੜ ਮਿਲਣਾ ਤੂੰ ਚਾਹੁੰਦਾ ਏ
ਹੱਥ ਜੋੜ ਕਿਉਂ ਮਿਨਤਾ ਪਾਉਂਦਾ ਏ
ਮੇਰੇ ਘਰਦੇ ਹਰ ਵੇਲੇ ਨਾਲ ਹੁੰਦੇ
ਮੁੜ ਮੁੜ ਛੱਤ ਤੇ ਔਖਾ ਆਉਂਣਾ ਏ

ਤੂੰ ਫਿਕਰ ਨਾ ਕਰ ਇੱਕ ਦਿਨ ਤੈਨੂੰ
ਸੁਣਿਓ ਜੀ ਕਹਿ ਕੇ ਬੁਲਾਉਣਾ ਏ

ਜੇ ਇਹਨਾਂ ਮਾਣ ਮੇਰੇ ਤੇ ਕਰਦਾ ਏ
ਫਿਰ ਕਿਹੜੀ ਗੱਲੋਂ ਡਰਦਾ ਏ
ਥੋੜਾ ਸਬਰ ਕਰਲੈ ਤੂੰ ਉਸ ਰੱਬ ਨੇ
ਛੇਤੀ ਹੀ ਮੇਲ ਕਰਾਉਣਾ ਏ

ਤੂੰ ਫਿਕਰ ਨਾ ਕਰ ਇੱਕ ਦਿਨ ਤੈਨੂੰ
ਸੁਣਿਓ ਜੀ ਕਹਿ ਕੇ ਬੁਲਾਉਣਾ ਏ

ਮੈਂ ਪ੍ਰੀਤ ਮਹਲ ਵਿੱਚ ਰਹਿਣਾ ਏ
ਹਰ ਦੁੱਖ ਚ ਤੇਰੇ ਨਾਲ ਖਹਿਣਾ ਏ
ਹੁਣ ਤੱਕ ਲਿਆ ਏ ਤੇਰੀ ਝੱਲੀ ਨੇ
'ਪ੍ਰੀਤ' ਨਾਲ ਹੀ ਹੱਸਣਾ ਰੋਣਾ ਏ

ਤੂੰ ਫਿਕਰ ਨਾ ਕਰ ਇੱਕ ਦਿਨ ਤੈਨੂੰ
ਸੁਣਿਓ ਜੀ ਕਹਿ ਕੇ ਬੁਲਾਉਣਾ ਏ

ਤੇਰੇ ਨਾਂ ਦੀ ਰੋਜ਼ ਮਹਿੰਦੀ ਲਾਉਂਦੀ ਆਂ
ਤੇਰੇ ਜਿਹਾ ਸੂਹਾ ਫੁੱਲ ਪਾਉਂਦੀ ਆਂ
ਵੱਡੀਆਂ ਨੇ ਰਿੱਬਣ ਤੇ ਖੜਨਾ ਏ
ਛੋਟੀ ਨੂੰ ਸਰਮਾਲੀ ਬਣਾਉਣਾ ਏ

ਤੂੰ ਫਿਕਰ ਨਾ ਕਰ ਇੱਕ ਦਿਨ ਤੈਨੂੰ
ਸੁਣਿਓ ਜੀ ਕਹਿ ਕੇ ਬੁਲਾਉਣਾ ਏ